ጋዜጣዊ መግለጺ፡ ዓለምለኻዊ መድረኽ ምውህሃድ ኤርትራውያን ንድሕነት ህዝቢ ኤርትራ
ኣሰናዳኢ ኮሚተ ዓለምለኻዊ መድረኽ ምውህሃድ ኤርትራውያን ንድሕነት ህዝቢ ኤርትራ፡ እቶም ንምልካዊ ስርዓት ኢሳይያስ ከም ቀዳማይ ጸላኢ ሰሪዖም ኣብ ሃገርና ኤርትራ ህጹጽ ለውጢ ንምምጻእ እጃሞም ከወፍዩ ዝደልዩ ኤርትራውያን ተቓለስትን ደለይቲ ፍትሕን፡ ነዚ ኣብ ሃገርናን ዞባናን ተፈጢሩ ዘሎ ብድሆ ናብ ናይ ለውጢ ዕድል ንምቕያር፡ ቅድሚ ኹሉ ከም ኤርትራውያን ጻዕርታቶም ኣወሃሂዶም፡ ማዕሪኡ፡ ምስ ናይ ቃልሲ መሓዙት፡ ብዓቢኡ ምስቲ ንምልካዊ ስርዓት ኢሳይያስ ኣብ ባይታ ኣብ ምምካት ዝርከብ ህዝቢ ትግራይ ብምትሕብባር ኣብ ሃገርና ኤርትራ ከምጽእ ዘለዎ ለውጢ ብምቅልጣፍ ድሕነት ህዝብን ሃገርን ንምርግጋጽ ኣድላዪ ስርሓት ንምጅማር ከካይዶ ዝጸንሐ ምድላዋት ዛዚሙ ኣሎ።
ብመሰረት እዚ ክብ ኢሉ ዝተጠቕሰ መምዘኒታት ዝተወሃሃደ ሓባራዊ ቃልሲ ኣበርክቶ ክገብሩ ንዝወሰኑ ግዱሳት ኤርትራውያን ተቓለስቲ ንምምዝጋብ ኣዳልዩዎ ዘሎ ቅጥዒ፡ ካብ ሎሚ 29 ሚያዝያ ኣትሒዙ፡ በቶም ድሮ ተገዳስነቶም ገሊጾም ዘለዉ ባእታታት ጀሚሩ ናብ ኩሎም ግዱሳት ቅጥዒ ክዝርግሕ እዩ።
ፈላሚ ናይ ZOOM ኣኼባ ምዝጉባት ኣባላት ዓለምለኻዊ መድረኽ ምውህሃድ ኤርትራውያን ንድሕነት ህዝቢ ኤርትራ ቀዳም 15 ግንቦት 2021 ክካየድ ስለዝኾነ፡ ቅጥዕታት እንተደንጎየ 13 ግንቦት ናብ ኣሰናዳኢት ኮሚተ ክበጽሕ ኣለዎ።
ንቕጥዒ ምዝገባ ዝምልከት ተወሳኺ መብርሂ ካብ ሎሚ ድሕሪ ቀትሪ ጀሚሩ ብኣባላት ኣሰናዳኢ ኮሚተ ብማሕበራዊ መራኸቢታትን ማዕከናት ዜናን ክወሃብ እዩ።
ኣብዚ ዝተወሃሃደ ሓባራዊ ቃልሲ ኣበርክቶ ክትገብሩ እትደልዩ ኤርትራውያን በዚ letsaveritrea@gmail.com ዝብል ኣድራሻ ኢመይል ዓለምለኻዊ መድረኽ ምውህሃድ ኤርትራውያን ንድሕነት ህዝቢ ኤርትራ ክትጽሕፉልና ንጽውዕ። እቶም ድሮ ተገዳስነትኩም ዝገለጽኩም `ውን እቲ ዝምላእ ቅጥዒ በዚ ዝተጠቕሰ ኢመይል ማለት letsaveritrea@gmail.com ክበጽሓኩም ምዃኑ ንሕበር።
ብዝተወሃሃደ ሓባራዊ መኸተ ድሕነት ሃገርና ነረጋገጽ!
ኣሰናዳኢ ኮሚተ ዓለምለኻዊ መድረኽ ምውህሃድ ኤርትራውያን ንድሕነት ህዝቢ ኤርትራ
29 ሚያዝያ 2021
This is a timely initiative to save the people of Eritrea and the horn. Count me in. Let us do the doing
ሰላም ንኩሉኹም ፣
ብጣዕሚ ኣገዳስን መድረኽ ዝጠልቦ እዋናዊ ጉዳይ እዩ።
ንምዕዋቱ እዘን ዝስዕባ ነጥብታት ኣብ ግምት እንተ ተእትዉ ምሓሸ፤
1 – ስለምንታይ ፥ ብጉዱሳት ሃገራውያን ዝውሰድ ተበግሶታት ክፈሽል ጸኒሑ ?
2 – ስለምንታይ ፥ መን እዮም ዝብል ሕቶ ብቀዳምነት ዝላዓል ?