ኣብ ዞባ ጋ|ሽ ባርካ ዝርከቡ ክፋል ሕብረተሰብና ከም ኣብ ካልእ ከባቢታት ብዓጸቦን ጥምየትን ይሞቱ ከም ዘለዉ ተፈሊጡ፡

ኣብ ዞባ ጋ|ሽ ባርካ ዝርከቡ ክፋል ሕብረተሰብና ከም ኣብ ካልእ ከባቢታት ብዓጸቦን ጥምየትን ይሞቱ ከም ዘለዉ ተፈሊጡ፡

ኣጽናቲ ኢስይያስ ኣፈወርቂ ኮቪድ-19 ወይ ሕማም ኮረና ንኸይመሓላለፍ ብዝብል ምስምስ፡ ብኣስገዳድ ዝተኣታተዎ ናይ ምርጋጥ ትእዛዝ፡ እቶም ናብርኦም ካብ ኢዶም ናብ ኣፎም ኮይኖም ዝጸንሑ፡ ኣብ ጋሽ ባርካ ኣብ ከባቢ እማሓጀር ዝነብሩ፡ ካብ ብሄረ ሕዳርብን ትግረን ዝኾኑ ክፋል ህብረተሰብና፡ ቅድሚ ዝኣገረ በቲ ኣጋጢምዎም ዘሎ ዓጸቦን ጥምትየትን፡ ፈቐድኡ ይሞቱ ከም ዘለዉ ካብ’ቲ ቦታ ዝበጽሓና ሓበሬታ ይገልጽ። እዚ ኣብ ከባቢ እማሓጀር ኣብ ብሄራት ሕዳርብን ትግረን ኣሕዋትና ኣጓኒፉ ዘሎ ዓጸቦ፡ ካብ’ቲ ኣብ ቲቪ ኣሰና ተቓሊሑ ዝነብረ ኣብ ህዝቢ ዓፋር ዘጋነፈ ዓጸቦ ከም ዝብእስውን ኣይሓብኡን።  እቲ ንህዝቢ ኤርትራ ኣብ’ቲ ዝተሕተ ደረጃ ናይ መነባብሮ ከም ዝኽርትት ጌርዎ ዝጸንሐ ኣጽናቲ ስርዓት፡ ንሕማም ኮረና ልዕሊ ዓቐን ኣጋኒኑ፡ ህዝቢ ዕለታዊ ናብርኡ ንኸየካይድ ካብ ምንቅስቓስ ኣጊዱ ብምርጋጥ፡ በቲ ሕማም ኣመኽንዩ ኣብ ልዕሊ’ቲ ብባርነትን ስደትን ከጽንቶ ዝጸንሐ ህዝብና፡ ዘርኢ ናይ ምጽጻይ ወይ ጀኖሳድ ኣዊጁ ከም ዘሎ፡ እቲ ኩነታት ከም ዘአንፍት ጸብጻባትና ስግኣቶም ገሊጾም።

   ብተወሳኺ ካብ’ቲ ቦታ ዝበጽሓና ሓበሬታ ከም ዝገልጾ፡ ዱካናትን ናይ ዕዳጋ ማእከላትን ብዘይንብረት በረውረው ኢሉ ጥርሑ ተሪፉ ስለ ዘሎ፡ እቶም ምንም ሓገዝ ዘይብሎም በተኻት ጥራይ ዘይኮኑ፡ ዋላ እቶም መቕርብ ቤተሰቦም ካብ ወጻኢ እናሓወሉ ዘናብርዎም ዘለው ዜጋታት ከይተረፉ ምስ ገንዘቦም ከለዉ ዝግዛእ ስኢኖም ይሽገሩ ከም ዘለዉ ተፈሊጡ። እዚ ኩነታት ከምዚ ኢሉ እንተ ቀጺሉ፡ ኣብ ኤርትራ ካብ ብሕማም ኮረና ብጥምየትን ዓጽቦን ዝሃልቕ ህዝቢ፡ ዝበዝሐ ክኸውን ምኻኑ እቶም ጸብጻባት ገሚቶም። ህዝቢ ኤርትራ ብጥምየትን ዓጸቦን እናሃልቐ ከሎ፡ እቲ ኣብ ውሽጥን ወጻእን ዝነብር ኤርትራዊ ዜጋ፡ ነቲ ኣብዚ ሕማቕ እዋን ንጽጉማት ደቂ ሃገረይ ክሕግዝ ኣለኒ ኢሉ ካብ ዘይብሉ ዘዋጽኦ ዘሎ ገንዘብ፡ ኣጽናቲ ኢስይያስ ኣፈወርቂ ጨውዩ ኣብ ናይ ውልቁ ማሕፉዳ ይኽዝኖ ከም ዘሎ’ውን ተረጋጊጹ ኣሎ። እዚ ናይ ህዝቢ ኤርትራ ጸገም ዘየሕስቦ፡ ብኣጽናትን ውልቀምልካውን ምሕደራ፡ ንህዝብን ሃገርን ከጽንት ዝጸንሐ ውልቀሰብ፡ ልዕሊ እቲ ኣብ ህዝቢ ኤርትራ ኣንጸላልዩ ዘሎ ሓደጋ፡ ጉዳይ ኢትዮጵያን ስልጣን ኮለኔል ኣብይ ኣሕመድ ስለ ዘገድሶ፡ ንኮለኔል ኣብይ ንኽሕግዝ ናብ ሃገራት ሱዳንን ግብጽን ክገይሽን ብዛዕባ ሩባ ናይልን ኣመላልኣ ዲጋ ህዳሴ ወይ የህዳሴ ግንብ ክዝትይ’ዩ ቀንዩ።

   እዚ ካብ ጸገም ህዝቢ ኤርትራ ንላዕሊ፡ ምርግጋእ ኢትዮጵያን ስልጣን ኮለኔል ኣብይ ኣሕመድን ዘገድሶ ንኤርትራን ህዝባን ዘጽንት ዘሎ ውልቀመላኺ፡ ኣብ ልዕሊ ህዝቢ ኤርትራ ሕማም ኮረና ንኸይመሓላለፍ ብዝብል ምስምስ ብዕጸቦን ጥምየትን ከጽንትን ኣብ ዘይምልከቶ ኩናት ኣእትዩ ከህልቅን ወዲእዋኦ ኣሎ። ንኹልኻ ሓልታት ምክልኻልን ጸጥታን ፖሊስን ኤርትራ፡ እዋናውን ህጹጽን ስጉምቲ ኣብ ልዕሊ ኣጽናቲ ኢሳይያስ ኣፈወርቂ ወሲድካ፡ ንህዝቢ ኤርትራ ካብ’ዚ ኣጓኒፍዎ ዘሎን ብሕጂ ከጓንፎ ተሓሲብሉ ዘሎን ህልቂትን ጥፋኣትን ንኸተድሕኖ፡ ብስም ውጹዕ ህዝቢ ኤርትራ ትቪ ኣሰና ጸዋዒት ተቕርበልካ ኣላ።